Argiaren boterea, laserra, aplikatzen den uhinaren luzeraren arabera, efektu ezberdinak ditu. Hortz kliniketan, ehun bigunetan operazio kirurgikoak egiteko erabiltzen da gehienbat. Efektu bakterizida garrantzitsua duelarik, prozedura periodontaletan erabili ohi da, baita hortzen zuritzetan ere. Dosi egokiak erabiliz gero, laserrak bioestimulu efektua du, zeinak orbaintzea bizkortu eta errazten duen. Laserrak sortzen duen onurak, kirurgien ebakuntzen osterako erabili daitezke, hortzen sentikortasuna eta ortodontziak sorrarazten dituen ondoezak gutxitzeko, edota ATM-a funtzionalki sendatzeko. 

Laserra erabiltzen den kirurgien abantaila handien artean ehunen erantzuna dugu, zeinak hantura eta infekzio – arriskua gutxitzen duen.

Ozono gasa, tresna, inplante eta protesien azaleko desinfektatzaile eraginkorra da. Ebaketa kirurgikoetan aho – barrunbean erabiltzeko sustantzia ideala da. Ezaugarri biofisiologiko positiboei esker, orbaintze eta epitelializazioa laguntzen du, eta zelulen printzipio antirradikal naturalak (indukzio enzimatikpagatik) sendotzen ditu.

Izan ere, ozonoak efektu germizida handia du, denbora tarte gutxian bakteria, birus eta onddoak ezabatu eta suntsitzeko gaitasuna duelarik. Odol ehunean hazkundea ekoizten du, eta globulu gorriak estimulatzen ditu, zirkulazio hobeago batez, proteinak handituz, eta hanturaren aurkako ekintza sortuz, odolaren oxigenazio handiagoa eragiten duelarik.

Ozonoa tratamendu periodontaletan eta kirurgietan erabili daiteke ere, barrunbeak eta hodi – erradikularrak desinfektatzeko, aftak, herpesak, esmotatitisak, hortz – txantxarrak, zauri inflamatuak, hemorragiak, ateratzeen aurretik eta ondoren, peri – inplantitisak, pulpitisa eta horzkeriaren sentikortasuna gutxitzeko. 

Izan ere, ozonoterapia erabiltzean, metodo konbentzionalekin lor daitezkeen emaitzak lor ditzakegu, ozonoa erabiltzean, antibiotikoen erabilpena gutxitu daitekeelako.